Grein eftir bloggvin minn

28. apríl 2007

Það er ekki hægt að úrelda sjávarútveginn vegna skulda

Í skýrslu formanns Samtaka fiskvinnslustöðva var tíundað að skuldir sjávarútvegsins hafi farið úr um 90 milljörðum í 265 milljarða á rétt rúmum áratug - er þetta forsvaranlegt?????.

Á sama tíma hefur verðmæti útflutts sjávarfangs staðið í stað eða sveiflast með breytingum á gengi íslensku krónunnar.  Þetta gerist þrátt fyrir að verð á sjávarafurðum hafi hækkað og heimsmarkaðsverð á sjávarafurðum hafi sjaldan verið hærra.

 

Sjálfstæðismenn telja að skuldir sjávarútvegsins hafi ekkert hækkað. Staðreyndirnar tala sínu máli, milljarðarnir hafa streymt út úr greininni og varlega áætlað má ætla að það sé vel andvirði tveggja Kárahnjúkastíflna sem hefur farið út úr greininni á síðasta áratug.

Oddviti sjálfstæðismanna í N-A kjördæmi t.d.  hafnaði því að breyta kerfinu með þeim rökum að það væri ólíðandi að atvinnugreinin væri á einhverju uppboði.

Hann segir það, en það má nú samt segja að það kerfi sem Sjálfstæðisflokkurinn hefur varið til langs tíma, hefur stuðlað að því að sjávarbyggðir landsins eru nánast allar komnar á uppboð. Því miður er ekki boðið hátt verð í húseignir sjávarþorpanna sem fyrir örfáum árum voru blómlegar og vaxandi byggðir.

Það blasa við tækifæri til að breyta þessu kerfi, kerfi sem er óskynsamlegt og hefur ekki skilað neinu.

 

byggt á bloggi Sigurjóns snillings Þórðarsonar