Íslandsmóti í sjóstöng lokið

Á mótinu veiddust liðlega 10500 kg mest Þorskur. Keppendur voru 36 og var aflahæsti maður með rétt tæp 700 kg. Það gekk ágætlega umborð hjá mér á Blíðunni, og var Blíða VE 263 næst aflahæsti bátur á eftir Sævaldi VE, skipstjóri Kjartan Már Ívarsson. Um borð hjá mér veiddist stærsti fiskur mótsins, sem var langa, 14,2 kg, einnig veiddist stærsti karfi umborð hjá mér. Ég hef nú tekið þátt í mörgum mótum, en sennilega er veðrið þessa helgi eitthvað það besta, sem ég hef nokkurn tímann lent í.

Var að koma úr glæsilegu hlaðborði, þar sem boðið var bæði upp á sjávarrétti og kjötrétti. Mótið í heild var Sjóve til mikils sóma og þakka ég fyrir mig.