Annasamir dagar

Búinn að róa þrjá daga í röð og afli tæp 6 tonn, sem telst mjög gott í eyjum. Veit ekki aflaverðmæti (kemur seinna). Veðrið er búið að vera alveg frábært og fiskiríið eftir því. Mikið líf er nú í sjónum í kringum eyjar, mikið af síld og rauðátu á ferðinni, svo það ætti að vera nóg af æti fyrir bæði fiska og fugla. Á leiðinni á miðin í morgun var ég að hlusta á Bylgjuna, á Ísland í býtið. Þar var minn maður, Grétar Mar í spjalli. Grétar kom með skemmtilega útskýringu á hugmyndum hafró varðandi niðurskurði í þorskinum og göllunum við þær.

Við heyrum stundum sérfræðingana á veðurstofunni spá sól og blíðu allan daginn, en stundum sjáum við enga sól, þrátt fyrir spá sérfræðinga. Sérfræðingar hjá hafró eru með ákveðið reiknilíkan, þar sem þeir spá fyrir um stærð þorskstofnsins. Eins og flestir hafa nú séð, þá spá þeir miklum samdráttum í þorskveiðum, á meðan sjómenn geta varla sett út veiðarfæri fyrir þorski allt í kringum landið. Svo hverju á maður að trúa. Sjómönnum sem segja að aldrei hafa verið meiri þorskur í kringum landið, eða hafró, með margra áratuga gamalt reiknilíkan, sem aðrir fræðimenn segja að virki ekki lengur. 

Er veðurspáin alltaf rétt? Nei.

Hefur hafrannsókn einhvertímann ofmetið þorskstofninn? Já, um 600 þús. tonn.

Góðar stundir, meira seinna. 

Athugasemdir

[Heiða Þórðar, 21.6.2007 kl. 22:08]

Hvernig er þetta þegar maður er á skakinu Goggi minn? Fiskast einhverjar glæpagellur?

Og partýið hjá Grétari?

[Ester Sveinbjarnardóttir, 21.6.2007 kl. 22:46]

Hvernig er þessi rauðáta, er hún eitthvað svipuð og rækja?

[Georg Eiður Arnarson, 21.6.2007 kl. 23:04]

Jú Ester, og gríðarlegt magn á ferðinni. Hver er þessi Heiða glæpagella.