Lundinn

Elliðaeyingar eru í ár í forsvari fyrir bjargveiðifélag Vestmannaeyja. Í síðustu viku boðuðu þeir til fundar með félögum úr öðrum eyjum. Á fundinum var ákveðið að beina þeim tilmælum til veiðimanna, að fresta veiðum um nokkra daga. (veiðitíminn hefst á hverju ári 1. júlí) Ástæðan fyrir frestuninni, var ótti manna um að varp lundans væri að bregðast, vegna ætisskorts. Staðan í dag er hins vegar sú, að töluvert æti virðist vera í kringum eyjar, enda mikið af lunda. Varpið virðist þó ekki vera nema um 50 %. Síðar í sumar kemur í ljós, hvernig tekst með að koma pysjunni á legg. Eitt veiðifélag (Ystiklettur) ákvað að hefja veiðar strax í gær, 1. júlí og var veiðin eftir fyrsta dag ca. 350 lundar og í dag ca. 200 lundar. Búast má við því að fleiri hefji veiðar í vikunni. Undirritaður er ekki byrjaður veiðar. Meira seinna.

Athugasemdir

[Magnús Paul Korntop, 2.7.2007 kl. 21:48]

Mikið hefur mig oft langað að smakka lunda en en ekki látið verða af því,hvernig kemst maður í tæri við þessa fæðu sem svo mikið er látið með?

[Georg Eiður Arnarson, 2.7.2007 kl. 22:38]

Já Hanna, sú eyja sem heldur lundaballið er sjálfkrafa í forsvari fyrir Bjargveiðifélagið skipt er á hverju ári. Sæll Magnús mér skilst að Lundinn sé seldur í Hagkaup og mörgum betri matsölustöðum, svo getur þú bara mætt á næstu Þjóðhátíð og ég skal gefa þér reyktan Lunda.