Gleðilegt nýtt ár allir

 það er að segja fiskveiðiár. Árið byrjar ekki vel eða með 30%niðurskurði í Þorski þrátt fyrir að sjómenn geti ekki sett veiðarfæri í sjó án þess að stranda í Þorski. Bæjarstjórn Vestmannaeyja setti fram kröfu sína um mótvægis aðgerðir til að mæta niðurskurði í Þorski í síðustu viku. Það sem vekur mesta undrun mína er að ekki er minnst einu orði á það sem skaðað hefur okkur mest síðustu árinn, það er að segja kvótasetning á Keilu, Löngu og Skötusel. Ég fullyrði það að ef þessi hörmungar ákvörðun hefði ekki orðið( Árni Matthiesen) þá væri íbúar Vestmannaeyja 200 fleiri. Meira seinna.

Athugasemdir

[Jóhann Elíasson, 1.9.2007 kl. 14:08]

Þessar kröfur sem bæjarstjórn Vestmannaeyja setti fram voru ein og þær væru unnar á skrifstofu LÍÚ td að leggja niður byggðakvóta, leggja niður línuívilnun og leggja af veiðigjald.  Gegn öllu þessu hefur LÍÚ barist árum saman og tillögur Bæjarstjórnar Vestmannaeyja voru allar á þessum nótum.  Og til að bæta gráu ofan á svart þá er bæjarstjórinn að einangra sig meira og meira með því að hunsa álit, sem stangast á við hans og gerir jafnvel lítið úr mönnum sem ekki hafa sömu skoðun og hann sjálfur.