Margir bloggarar hafa fjallað um mál Margrétar Sverrisdóttur í morgun

Ég er algjörlega sammála konunum í Frjálslynda flokknum og þeirra ályktun og finnst það frekar skrýtið að sumir bloggarar skuli skrifa um Margréti Sverrisdóttur sem óháða. Fyrir borgarstjórnarkosningarnar í fyrra vor, var borinn upp listi frjálslyndra og óháðra í Reykjavík. Var í fyrsta sæti Ólafur F. Magnússon og í öðru sæti Margrét Sverrisdóttir, fyrir hönd Frjálslynda flokksins. Í þriðja Guðrún Ásmundsdóttir fyrir hönd óháðra. Síðastliðinn vetur segir síðan Margrét sig úr Frjálslynda flokknum og stofnar Íslandshreyfinguna. Svo spurningin er þessi: Margrét Sverrisdóttir var kosin í borgarstjórn sem Frjálslynd, ekki sem óháð, er því ekki eðlileg krafa, að næsti maður á lista fyrir hönd Frjálslynda flokksins taki við sæti hennar, á meðan Ólafur er frá, ég bara spyr?

Athugasemdir

[Helgi Þór Gunnarsson, 16.10.2007 kl. 15:15]

Góðan daginn Georg, jú auðvita á næsti maður frjálslyndra að taka sæti Ólafs, ég hélt að við hefðum kosið lista en ekki fólk.

[Halla Rut , 16.10.2007 kl. 15:23]

Jú þetta er rétt hjá þér. 100% sammála.

[Jóhann Elíasson, 16.10.2007 kl. 19:54]

Jú alveg sammála ég get bara ekki með nokkru móti skilið hvernig Margrét fær það út að henni sé stætt á þessu sæti.

[Guðrún María Óskarsdóttir., 17.10.2007 kl. 01:04]

Sæll Georg.

Það er hvoru tveggja sjálfsagt og eðlilegt að draga fram siðleysi, ekki hvað síst á stjórnmálasviðinu.

kv.gmaria.

[Sigursveinn , 17.10.2007 kl. 09:41]

Sæll Goggi. Ég er algjörlega ósammála þér/ykkur.  Ólafur F. Magnússon var kjörinn í borgarstjórn, Margrét er hans varamaður. Það er nú bara þannig að fólkið er kosið í sveitastjórnir. Við þekkjum þetta vel frá síðasta kjörtímabili hér. Þrátt fyrir að Andrés hafi fengið 90% af framsóknarlistanum upp á móti sér var það hann sem hlaut kosningu. Ásta var hans varamaður, þrátt fyrir að þau væru á öndverðum meiði. Ásta gekk til liðs við Sjálfstæðisflokkinn á meðan Andrés var á sóló...

Margrét gæti þess vegna gengið til liðs við Samfylkinguna en samt verið varamaður Ólafs í borgarstjórn.

Þannig að reglurnar eru skýrar, hún hefur fullkominn rétt til að sitja.  Svo er spurning hvort það þurfi að breyta reglunum?

[Jakob Falur Kristinsson, 17.10.2007 kl. 17:40]

Reglurnar eru alveg skýrar það var borinn fram F-listi í Reykjavík sem að stóðu Frjálslyndir og óháðir og fengu einn mann kjörinn sem var Ólafur Magnússon og eins og reglur eru núna ræður Ólafur því alfarið einn hvern hann kallar inn fyrir sig sem varamann svo framalega sem viðkomandi aðili hafi verið í framboði á F-lista.  Hitt er svo aftur annað mál að flestir sem skipta um stjórnmálaflokk áður en kjörtímabilið er búið segja af sér öllum trúnaðarstörfum fyrir þann flokk sem viðkomandi er að yfirgefa.  Hvað varðar Margréti Sverrisdóttur hefur hún samkvæmt lögum og reglum fullan rétt til að sitja áfram fyrir hönd F-lista.  Þetta er eins og Vilmundur heitinn Gylfason orðaði einhvern tíma "Löglegt en siðlaust."  Mín skoðun er sú að Margrét eigi að segja af sér og láta öðrum frá Frjálslynda flokknum eftir sæti sitt, en sá aðili verður þá að hafa verið í framboði á F-listanum á sínum tíma.  Þetta er eins og svo margt annað sem þarf að breyta á Alþingi.

[Sigursveinn , 18.10.2007 kl. 09:31]

Hanna Birna - Af hverju er ég ekki samkvæmur sjálfum mér? Ég er að rifja upp hvernig þetta var hérna í Eyjum á síðasta kjörtímabili. Þar voru þessi mál skoðuð, félagsmálaráðuneytið fékk nokkrar fyrirspurnir frá Eyjum um þessi mál og svörin voru skýr. Andrés var kjörinn, hann gat ekki látið Skæring vera sinn varamann (eins og hann vildi) þar sem Ásta var númer 2 á listanum og var því fyrsti varamaður hans. 

[Georg Eiður Arnarson, 18.10.2007 kl. 15:43]

Sæll Svenni. Þessi skrif mín eru fyrst og fremst stuðningsyfirlýsing vegna yfirlýsingar kvennahreyfingar frjálslynda flokksins. En að gefnu tilefni, þú bendir á Andrés bakara. Andrés var í framboði fyrir Framsóknar flokkinn, vann þar sæti í bæjarstjórn Vestmannaeyja, sat þar út kjörtímabilið og, eftir því sem ég veit best, er ennþá í Framsókn, þrátt fyrir að ýmislegt hafi gengið á, á kjörtímabilinu.

Margrét Sverrisdóttir hinsvegar, tók þátt í kosningum fyrir ári síðan sem fulltrúi Frjálslynda flokksins í framboði Frjálslyndra og óháðra í borginni. Síðan þá hefur hún sagt sig úr Frjálslynda flokknum, stofnað Íslandshreyfinguna og farið í framboð á vegum hennar í Alþingis kosningunum í vor. Núna hinsvegar, ætlar hún að taka sæti í borgarstjórninni sem fulltrúi Frjálslyndra og óháðra, þrátt fyrir það að hún er hvorki Frjálslynd né Óháð. Vissulega er það rétt, eins og dæmin sýna síðustu árin, að þingmenn skipti um flokka á miðju kjörtímabili, en ég man þó ekki eftir dæmi um frambjóðanda, hvort sem er í bæjar eða landsmálum, að frambjóðandi fyrir einn flokk segi sig úr honum, stofni annan flokk, en ætli sér síðan að setjast í borgarstjórn fyrir þann fyrri. Kannski er þetta löglegt, en allavega siðlaust.

Svona til gamans langar mig að taka dæmi. Ef einhver einn bæjarfulltrúi Sjálfstæðisflokksins í Vestmannaeyjum tæki sig til, segði sig úr Sjálfstæðisflokknum og gengi í Frjálslynda flokkinn, væru þá Frjálslyndir í oddaaðstöðu í bæjarstjórn Vestmannaeyja, eða ætti Sjálfstæðis flokkurinn rétt á, að næsti maður á lista, kæmi inn fyrir þann sem hætti? Spurning. kv.

[Helgi Þór Gunnarsson, 18.10.2007 kl. 18:12]

Já Georg nú verður lögfróður maður að svara þér og okkur hinum, maður veit ekki svo mikið um þessi lög.

[Sigursveinn , 19.10.2007 kl. 08:55]

Sæll Goggi. Ég er ekki lögfróður maður en eftir upphlaupið í Eyjum á síðasta kjörtímabili kom margt fram sem snýr að svona málum. Segjum sem svo að einn bæjarfulltrúi sjálfstæðismanna gengi úr flokknum og yfir í frjálslynda eins og þú segir. Þá er sá aðili í oddastöðu í bæjarstjórn.  Mergur málsins er nefnilega sá að um er að ræða persónukjör, ekki flokkskjör.  Það eru einstaklingarnir sem fá kosningu. Sem aftur kallar á þá spurningu hvort flokkspólitík í bæjarmálum sé ekki óþarfi. Væri ekki réttara að kjósa einfaldlega einstaklinga í bæjarstjórn?  Sammála Hönnu, Sjálfstæðisflokkurinn gæti ekki kallað inn varamann, en ef "liðhlaupinn" kæmist ekki á fund þá er meirihlutinn kominn aftur á, þar sem varamaður hans kæmi inn...

[Georg Eiður Arnarson, 19.10.2007 kl. 10:25]

Sæll Svenni, Mergur málsins er því þessi: Finnst þér þetta ekki fáránlegt? Ég hef td,aldrei kosið menn heldur alltaf málefni, þó vissulega þurfi maður að geta treyst þeim sem kosnir eru til að standa við loforðinn. kv.