Bakkafjara = 3,6 metrar

Enn er ófært í Bakkafjöru en kannski lægir í dag , eða á morgun?

Sæll Jarl , og vertu velkominn með (ÞÍNAR)skoðanir á þessu Bakkafjöru ævintýri.

 Að gefnu tilefni Jarl, síðasta árið sem þú varst á Guðrúnu ve, manstu þegar ég hringdi eina nóttina og við áttum ágætis spjall um ýmislegt, er það ekki rétt hjá mér að þá hafir þá sagt mér að þér litist frekar ýlla á þetta Bakkafjöru dæmi? Hvað hefur breyst? Takk fyrir þetta með málpípuna og þú ræður hvort þú svarar þessum spurningum.

PS, er einhver skoðanakönnun í gangi á vef Frjálslynda flokksins? Ég hef ekki séð hana. Þinn vinur.

Athugasemdir

[Jarl Sigurgeirsson (IP-tala skráð) 24.10.2007 kl. 11:00]

Blessaður Georg og takk fyrir þetta boð.

Ég man nú ekki sérstaklega eftir þessu samtali okkar, en ég hef ávallt verið þeirrar skoðunar að ferjulægi í Bakkafjöru sé álitlegur kostur.  Hitt er annað mál að í samtali okkar gæti ég hafa borið þann möguleika saman við möguleikann á gerð jarðgangna, sem ég tel langbesta kostinn í samgöngumálum okkar Eyjamanna.  Í ljós hefur komið að sú leið er ekki fær eins og staðan er í dag og þá tel ég rétt að taka besta kostinn af þeim sem eru mögulegir.  Ég hef aldrei verið þeirrar skoðunar að nýr og stærri Herjólfur sé meiri samgöngubót en ferjulægi í Bakkafjöru.

Rétt er það að ekki er skoðanakönnun á vef Frjálslynda flokksins"Heimaklettur.is"  þar hefur reyndar ekkert gerst frá því í ágúst.  En þar sem heimilsfang þeirrar síðu er gefið upp sem Vestmannabraut 62, sem er heimili þitt.  Þá lít ég svo á að þessar tvær síður (Blíða og Heimaklettur) séu sitthvor skúffan í sama skrifborðinu. 

Ég frábið mér þessar aðdróttanir þínar að ég skrifi ekki af heilindum og láti stjórnast af öðru en mínum eigin skoðunum. Samgöngumál okkar Eyjamanna eru mér eins og flestum öðrum Eyjamönnum mjög hugleiknar og mér leiðist að sjá í þeirri umræðu röklausan rógburð og vísvitandi rangar alhæfingar.  Ég hef ekkert á móti því að menn hafi skoðanir á hlutunum og tek fagnandi umræðunni um þessi mál.  En vöndum mál okkar í umræðunni og leggjumst ekki í pólitískar skotgrafir, það þjónar ekki tilgangi umræðunnar.