Tók nokkrar myndir í kvöld

Það er gaman að sjá unga fólkið æfa sig í sigi í Spröngunni

Margir eyjamenn hafa tekið sín fyrstu skref í fjallaklifri og sigi þarna í Spröngunni

Tók þessa fallegu mynd af Litlahöfða og Stökkunum og ef myndavélin væri betri, þá sæist að sjórinn þarna er þakinn af lunda. Sjáið þið, hverju Litlihöfðinn líkist?

Smellti einni mynd af mínu gamla "heimili", Miðkletti enda lá ég þar oft á sumrin í tjaldi sem unglingur á meðan lundaveiðitíminn var.

Set að lokum inn fallega mynd af Ystakletti fyrir vin minn Hallgrím Þórðarson. Ég frétti að Grímur hefði verið eitthvað slappur í vetur, en vona samt að hann komist í klettinn í sumar til að slá nokkra fugla, en ef allt bregst, þá hringjum við bara í Magga Kristins og fáum þyrluna.

Athugasemdir

[Guðrún María Óskarsdóttir., 30.6.2008 kl. 01:19]

Flottar myndir Georg, ég komst einmitt með minn unga mann fyrir nokkrum árum til Eyja þar sem hann gat aðeins spreytt sig í að spranga í Spröngu sem var nú aldeilis áhugavert fyrir þann hinn sama.

kv.gmaria.

[Hafsteinn Viðar Ásgeirsson, 30.6.2008 kl. 21:20]

Mér virðist Litlihöfði vera eins og steinbítur? Er það ekki?....

[Georg Eiður Arnarson, 30.6.2008 kl. 22:06]

Sæll Hafsteinn , eða eins og Hundshaus með opinn kjaftinn . kv .

[Hafsteinn Viðar Ásgeirsson, 1.7.2008 kl. 11:48]

Blessaður Georg, já það er líka sjáanlegt þarna ekki spurning.

[Sigurður Þórðarson, 12.7.2008 kl. 19:11]

Það er verst að ég er lofthræddur. Eins og það er fallegt og stórkostlegt þarna.