Goslokin eru núna um helgina..............

..............og í tilefni af 35 ára afmæli stendur mikið til í eyjum. Hefst dagskráin strax á fimmtudaginn og stendur fram á sunnudagskvöld.

Á laugardaginn ætla ég og mitt fólk að koma saman í krónni minni (Blíðukró) og eiga þar saman ánægjulega stund, m.a. mun hljómsveitin Afrek spila ásamt fleirum. Einnig mun Grétar Mar Jónsson, þingmaður, mæta og fara með gamanmál. Einnig skilst mér að Guðrún María bloggvinur komi sennilega og jafnvel Eiríkur Stefánsson, sem farið hefur mikinn á Útvarp Sögu síðustu ár. Að sjálfsögðu eru allir velkomnir og ef einhver eyjamaður hefur áhuga á að koma upp og segja nokkra brandara, þá er það að sjálfsögðu velkomið, enda er meiningin að hafa þetta allt saman á léttu nótunum.

Sjálfur hef ég velt því fyrir mér í dálítinn tíma, hvort ég ætti kannski að flytja eða skrifa um reynslu mína frá gosinu, en hef nú ekki lagt í að skrifa um þetta, enda svolítið langt mál, enda færi sú saga að mestu leyti fram uppi á landi og þá sérstaklega tengt því, að ég var sendur í sveit bæði ´73 og ´74, en til að vekja smá forvitni, þá kemur m.a. fram slæmt slys sem ég lenti í og átti lengi í, súrt slátur, full belja og fyrsti kossinn.

Að gefnu tilefni, Blíðukró er fyrir neðan Eyjabúð og Gúmmíbátaþjónustuna.

Athugasemdir

[Guðrún María Óskarsdóttir., 2.7.2008 kl. 00:08]

Sæll Georg.

Já ég hlakka til að sjá ykkur á laugardaginn.

kv.gmaria.

[Helgi Þór Gunnarsson, 5.7.2008 kl. 20:33]

Guðrún, það gefur lífinu tilgang, ekki eru allir sem drekka brennivín, kær kveðja frá goslokahátíð.