Fundur með Bjargveiðifélaginu...........

............var haldinn áðan og var þar samþykkt einróma að halda lundaveiðum áfram til 15. ágúst.

Erpur Snær kom á fundinn og hélt smá ræðu um stöðuna á pysjunni og útlitið framundan og var bara nokkuð bjartsýnn á framhaldið. Það sem ég var hinsvegar að bíða eftir, voru útskýringar hans á þeirri fullyrðingu hans um að tveggja og þriggja ára lundi ætti að vera 70% af veiðini, því að eftir því sem ég vissi best, þá væru engar eldri rannsóknir til, en þetta kom Erpur með:

Á tímabilinu 1953-1971 fór einn veiðimaður út í Stórhöfða á hverju ári og veiddi nokkra lunda, eða samt. 920 lunda á 21 ári, sem gerir ca. liðlega 40 lunda á ári. Aldursgreindi þá og eru þær niðurstöður sem Erpur leggur til grundvallar fyrir því, hvernig aldurshlutfall lundans í veiðinni eigi að vera.

Fyrir mitt leyti, þá hefði ég í sporum Erps frekar sleppt því að koma með þetta, því að það segir sig sjálft, að sennilega er í mesta lagi ein veiðiferð á ári á bak við þessa veiði og er því ekki sama, hvort farið er snemma í júlí eða jafnvel ekki fyrr en i ágúst. En nóg um það í bili.

 Meira seinna.

Athugasemdir

[Petur Steingríms. (IP-tala skráð) 27.7.2008 kl. 20:29]

Sæll Goggi

Ég hef aldrei skilið þennan hroka í þér gagnvart þessum mönnum sem eru að vinna að þessum lundarannsóknum eða er þetta minnimáttarkennd ????

Ágætt að Bjarnveiðimannafélagið samþykkti að veiða til 15. ágúst, margir hafa ekki enn náð sér í fugl.

Kv.

Pétur Steingríms.

[Guðrún Jóna Gunnarsdóttir, 27.7.2008 kl. 21:48]

Ansi ótrúverðugar rannsóknaraðferðir sem vitnað er í. Ef úrtakið hefur verið um 40 lundar á ári, segir það sig sjálft að það er ekki marktækt. Það felst enginn hroki í því að benda á það. Ef vísinda- og rannsóknarmenn vilja láta taka sig trúanlega, verður að styðjast ivð viðurkenndar rannsóknaraðferðir. Þumalfinguraðferðir diga skammt. Svo einfalt er það.

Finns örla á hroka hjá þér Pétur, satt best að segja

[Georg Eiður Arnarson, 27.7.2008 kl. 22:35]

Tek undir með Guðrúnu , Pétur ef þér finnst í lagi að styðjast við þetta gamla viðmið , þá er jafnvel minna í þig spunnið heldur en ég hef alltaf haldið . kv .