Er búið að jarðsyngja síðasta lundann í Vestmannaeyjum?

En það mætti halda það, miðað við umfjöllunina um lundann á eyjamiðlunum. Ég er nú búinn að þræða fjöllin hérna á Heimaey síðustu 30 árin og verð að segja alveg eins og er, að þó að ég vissulega hafi áhyggjur af því að nýliðun á lunda geti brugðist í haust, þá ætla ég ekki að gefa mér það fyrirfram, enda er ég orðinn alltof reyndur lundakarl og hef það mikið álit á þeim svart/hvíta og ef við tökum t.d. mið af því, hvernig sumir (Bjarnareyingar) töluðu og létu eftir veiðisumarið ´97 og urðu síðan að éta það allt ofan í sig sumarið ´98, þá finnst mér hæpið að taka mark á því, hvernig sumir láta. En þetta skýrist í næsta mánuði.

Varðandi ákvörðun bæjarstjórnarflokks Sjálfstæðismanna um að stytta seinni hluta lundaveiðitímans, þá í raun og veru skiptir sú ákvörðun engu máli í sjálfu sér, alls ekki fyrir lundann og litlu fyrir veiðimenn, en þessi ákvörðun kom mér hins vegar ekki á óvart að því leytinu til, að það er ekkert nýtt að Sjálfstæðisflokkurinn þurfi að sýna hverjir hafi valdið.

Það furðulegasta samt er (hingað til) þessi grein í Fréttum: Flestir gerðu ekki meir en að ná í soðið. Ég tek það fram að ég hef nú ekki rætt við marga úr eyjunum, en ég lenti þó á spjalli við einn úr Brandinum fyrir stuttu síðan, sem sagði mér það, að aðeins væru komnar tæpar 11 kippur í Brandinum í sumar, sem að væri þó eðlilegt, vegna þess að Brandurinn er mjög lítil eyja og þar er t.d. enginn veiðistaður í austanátt og það er búið að vera ríkjandi austanátt lungann af veiðitímanum. Það sem er hinsvegar furðulegast er, að í greininni í Fréttum stendur að aðeins voru veiddar ein til tvær kippur í Brandinum í sumar. Ég ætla nú að leyfa mér að halda því fram, að þetta sé að öllum líkindum ekki eina tölulega vitleysan í greininni. Hver hins vegar ber ábyrgðina veit ég ekki. Einnig þykir mér furðulegt að ekki skuli vera rætt við veiðimenn á stærstu eyjunni, þ.e.a.s. Heimaey. En svona til upplýsinga, þá er það vissulega rétt að veiðistofn lundans var ekki mikið við í fjöllunum í sumar, en þannig hefur það oft verið áður, en tengist einfaldlega því, hversu langt er í ætið.

Það hefur vakið athygli mína, furðuleg og neikvæð vinnubrögð þeirra á Fréttum varðandi lundann í sumar og kom ágætt dæmi um þessi vinnubrögð frá vini mínum nýlega, því að eins og við höfum séð, þá er iðulega haft samband við veiðimenn úr hinum og þessum úteyjum, sem eru kannski að skreppa einn dag eða eina helgi í veiði og þær upplýsingar notaðar sem viðmið um ástand lundastofnsins, í staðinn fyrir að hafa einfaldlega samband við veiðimenn sem eru að stunda alvöru veiðar. Þetta hljómar svona sviðað og ef hringt væri umborð hjá mér til að fá fréttir af loðnuveiðum á loðnuvertíð og viti menn, þá er að sjálfsögðu hringt í loðnuskipstjórana.

Að lokum þetta: Mér finnst alltaf jafn furðulegt, þegar menn halda því fram að veiðimaður sem gengur upp á fjall með lundaveiðiháf í hendi geti skaðað lundastofninn og þetta hljómar svipað og þeir sem halda því fram að maður sem fer út á sjó með veiðistöng geti klárað fiskinn í sjónum, en bara svo það sé alveg á hreinu: Lundaveiðistofninn var í sögulegu hámarki í fyrra sumar. Það breytti samt ekki þeirri afstöðu minni, að ef engin nýliðun hefði orðið í stofninum á síðasta ári, þá hefði ég ekki mæli með því að veitt yrði í ár og það sama gildir í ár, að ef engin pysja verður, þá tel ég ekki verjandi að lundinn verði veiddur á næsta ári, því að að sjálfsögðu eiga veiðarnar að vera sjálfbærar og að sjálfsögðu á lundinn að njóta vafans. Varðandi hins vegar pysjutímann, þá langar mig að leggja það til, að menn fylgist vel með og velti því upp, að ef 1000 pysjur skili sér sem bæjarpysja þá erum við að sjálfsögðu að tala um nýliðun lunda í Vestmannaeyjum um ca. 1-200 þúsund pysjur, annað er bara þvæla. Meira seinna.

 

Athugasemdir

[Árni Sigurður Pétursson, 18.8.2008 kl. 12:38]

þá erum við að sjálfsögðu að tala um nýliðun lunda í Vestmannaeyjum um ca. 1-200 þúsund pysjur

sem að er nálægt meðalveiði í vestmannaeyjum miðað við hvaða tölur voru gefnar upp..

allavega hátt í 1000 kippur veiddar hérna á meðal (góðu) ári.

en þar sem að þú nefnir með að einn kall sem að gengur á fjall með veiðiháf skaði ekki lundastofninn..

1 gerir það ekki, en margir geta það.

svolítið merkilegt líka að þú teljir að lundastofninn hafi verið í sögulegu hámarki í fyrra þegar að t.d. sást varla pysja í bænum.

já eða á höfninni sem að mér hefur yfirleitt fundist nokkuð gott viðmið

Annars get ég lítið sagt um lundann, þekki hann bara engan vegin nóg

er ekki veiðimaður og ekki sérfræðingur, hvort sem að það sé sjálflærður eður ey

[Kjartan Vídó, 18.8.2008 kl. 13:10]

Sæl.
Þar sem ég er í veiðifélaginu í Brandinum og var í Brandinum í sumar þá er ég 100% viss um að Brandurinn er ekki með 11 kippur. Síðustu tölur sem ég heyrði eftir þjóðhátíð var að eyjan væri rétt yfir 120 fugla í heildina og þá voru ekki nema 5-6 dagar eftir að veiðinni.

[Georg Eiður Arnarson, 18.8.2008 kl. 14:43]

Sæll Kjartan , skipstjórinn á Bárunni ( ég held hann heiti Bryngeir en er ekki viss ) hafði aðra sögu að segja , en ef ég hef misskilið hann þá verður það að sjálfsögðu leiðrétt .

 Árni , Lundaveiðistofninn í fyrra og lundapysjan eiga voðalega lítið sameiginlegt . kv .

[Árni Sigurður Pétursson, 18.8.2008 kl. 23:05]

ahh biðst afsökunar, las aðeins of hratt.

 las semsagt lundastofnin, en ekki lundaveiðistofnin

[Ester Sveinbjarnardóttir, 22.8.2008 kl. 22:20]

Ertu ekki viss um að þetta sé bara ný skilgreining á ÓLUND ?