Af mótmælum

Það er nokkuð um að fólk hneykslist á þessum mótmælum við þinghúsið í Reykjavík og í sjálfu sér er að hluta til hægt að taka undir það, sérstaklega þegar fólk gengur of langt t.d. skaðar almanna eignir, sig sjálft eða lögregluna, sem dæmi. Mér finnst hins vegar ósköp eðlilegt að ungt fólk mótmæli harðlega, því það er undantekningalaust fólkið sem að ber enga ábyrgð á kreppunni. Unga fólkið er það fólk í dag sem mun, við óbreytt stjórnkerfi, aldrei hasla sér völl í t.d. útgerð eða öðru slíku. Það mun hins vegar þurfa að borga reikninginn og er því að mínu mati í fullum rétti með að mótmæla. Dapurlegast þótti mér þó að sjá skoðanakannanir meðal ungs fólks, þar sem mikið af því er nú þegar farið að þreifa fyrir sér með atvinnu í öðrum löndum. Afar slæmt fyrir okkur öll og með ólíkindum að horfa upp á ráðamenn þjóðarinnar sitja sem fastast.

Athugasemdir

[Anna Svavarsdóttir, 20.1.2009 kl. 17:33]

Var á austurvelli. 

Það var ekki bara ungt fólk að mótmæla.  Það var fólk á öllum aldri.  Eldra fólk með göngu grindur  barnavagnar og allt þar á milli.  Flestir stóðu kyrrir en höfðu hátt. 

fjölmiðlamyndin er stundum skökk.

Tek undir það með þér það er slæmt að missa fólk úr landi.  Ég er iðnaðarmaður og ég efast einhvern veginn um að ég fá vinnu hérna heim í mínu fagi næstu áratugina.  Ef nokkurntíma.

[Georg Eiður Arnarson, 20.1.2009 kl. 19:43]

Sæl Anna , það er rétt hjá þér að vissulega eru mótmælendur á öllum aldri , en ráðamenn tala um að öll þjóðin hafi tekið þátt í fjármálasukkinu , ekki er ég alveg sammála því allavega ekki varðandi unga fólkið .

[Guðrún María Óskarsdóttir., 20.1.2009 kl. 23:35]

Sæll Georg.

Dagurinn á morgun mun ábyggilega skera úr um það hvort eitthvað fer að hrikta í stoðum flokka við stjórnvölinn.

kv.Guðrún María.

[Pálmi Freyr Óskarsson, 22.1.2009 kl. 18:22]

Flott mynd hér af bátnum þínum Georg.

[Georg Eiður Arnarson, 22.1.2009 kl. 21:24]

Já Pálmi , þessi er fín . kv .

[Anna Svavarsdóttir, 23.1.2009 kl. 15:14]

Sæll Georg

Varðandi fjármálasukkið.  Nei við tókum ekki öll þátt í því.

Ég finn til með fólkinu sem er að koma úr námi núna með milljónir í námslán og allar dyr lokaðar.  

Ég veit að ég kem niður á lappirnar spurningin er bara verður það hér á landi eða........