Peningamál , kvótakerfið og pólitík

Peningamál eru mikið í umræðunni þessa dagana, en ég verð að segja alveg eins og er fyrir mitt leiti, þá koma þessar háu fjárhæðir sem Sjálfstæðisflokkurinn hefur verið að fá undanfarin ár ekki á óvart. Ég skrifaði litla grein um síðustu áramót, þar sem ég lýsti því, hvernig Sjálfstæðisflokkurinn fylgir okkur eftir með því að birta mynd af okkur við fæðingu í Stofnum og síðan aftur mynd af okkur í Fylki þegar við látumst og á milli þessara tveggja mynda eru allskonar veislur, félagsskapur, ferðir og s.fr. og s.fr. og einhver þarf að sjálfsögðu að borga brúsann. Merkilegt nokk, við erum sennilega öll að borga brúsann. Þrátt fyrir þetta allt, þá ætla ég að halda mig við mína fyrri skoðun um það, að spilltasti flokkurinn á Íslandi sé þrátt fyrir allt Framsóknarflokkurinn, en það er ljóst að hann fær harða samkeppni frá Sjálfstæðisflokknum.

Það vakti athygli margra, ítarleg grein Tobba Villa um kvótakerfið á eyjamiðlunum. Tobbi er eins og allir vita gallharður íhaldsmaður. Eftir að hafa rennt yfir grein hans, sem er mjög löng, þá velti ég því fyrir mér að svara henni, enda rangfærslurnar margar, en þar sem svarið yrði sennilega að verða lengri en greinin hans, þá gaf ég það frá mér, en ætla að orða þetta á sama hátt og einn af þekktustu skipstjórum eyjamanna sagði við mig nýlega: "Það er einfaldlega eðlilegt að menn klappi hendinni sem matar menn og ósköp eðlilegt að menn eigi erfitt með að sleppa spenanum." Ég óska Tobba til hamingju með gott pláss í eyjaflotanum og efast ekki um það, að haldi hann áfram á þessari leið, að hann fái gott starf í landi þegar hann hættir á sjónum.

Í gær byrjuðum við Frjálslyndir að dreifa áskorun á bæjarbúa um stuðning við okkur Frjálslynda um kosningarnar. Það er gríðarlega mikilvægt að það sé tryggt að sjómenn haldi sínum fulltrúum á Alþingi Íslendinga, sérstaklega núna þegar vinstri flokkarnir eru allt í einu farnir að tala um það, að hægt sé að sækja fjármuni í pyngju undirstöðu atvinnugreinanna og bara svo það sé alveg á hreinu, ég er ekkert hrifinn af þessari svokölluðu fyrningarleið, enda hef ég engan áhuga á að láta úthlutun aflaheimilda í hendurnar á einhverjum vinstri flokkum, þar fyrir utan, þá uppfyllir sú hugmynd ekki álit Mannréttindanefndar Sameinuðuþjóðanna. Þar fyrir utan ganga hugmyndir okkar Frjálslyndra út á það að tryggja að rétturinn til að veiða fiskinn haldist í byggðunum, og bara svo það sé alveg á hreinu, þegar nýjasta Ríkisstjórnin var myndir fyrir ca. 2 mánuðum síðan, þá var haft samband við okkur Frjálslynda og sú hugmynd viðruð að formaður okkar yrði sjávarútvegsráðherra, með því skilyrði að við styddum við þessa minnihluta stjórn. Hins vegar var okkur líka tilkynnt, að við mættum ekki gera neinar breytingar á kvótakerfinu til lengri eða skemmri tíma. Þetta gátum við ekki samþykkt, en buðum það að, að minnsta kosti, út á stuðning okkar að Íslenska þjóðin fengi aftur að stunda frjálsar handfæraveiðar bara þetta sumarið, en því var algjörlega hafnað.

Að lokum langar mig að benda á nýjar greinar frambjóðanda inni á www.heimaklettur.is.

Meira seinna.

 

Athugasemdir

[Steini (IP-tala skráð) 11.4.2009 kl. 04:44]

Sæll Georg.Hvaða rangfærslur eru hjá Tobba?Frambjóðandi til alþingis ætti ekki að vera í vandræðum með að svara því.

Ég er skipverji á Kap VE og ég stend í þeirri meiningu að mínar hendur mati útgerðina en ekki öfugt.

Mér

[Georg Eiður Arnarson, 11.4.2009 kl. 11:07]

Sæll Steini.

Ég get bara endurtekið rangfærslurnar hjá Tobba og túlkanir hans á kvótakerfinu og það væri ansi langt og mikið mál að svara því og ætla ég að láta það vera. Varðandi það hver matar hvern, þá er þetta sagt við mig í trúnaði og ég mun ekki nefna þann skipstjóra sem sagði þetta við mig, enda hef ég engan áhuga á því að verða til þess, að einhver hugsanlega missi vinnuna vegna samtala við mig, en ég tek undir þessi orð, það er ekkert leyndarmál að menn sem eru á annað borð komnir á spenann hjá stórum fyrirtækjum út um allan heim eiga að sjálfsögðu erfitt með að sleppa, að maður tali nú ekki um þegar atvinnuástandið er eins og það er í dag, en ég vona svo sannarlega að Tobbi fái nú eitthvað fyrir sinn snúð.

p/s Ég stend reyndar í þeirri meiningu að útgerðin borgi þér launin, en ekki öfugt og eins og núverandi kvótakerfi er sett upp, þá geta þeir einfaldlega leigt frá sér kvótann og sent þig heim á atvinnuleysisbætur ef þeim hentar og til þess hafa þeir allar heimildir, eins og kvótakerfið er sett upp í dag og þessu vill ég breyta.

Kveðja