Bakkafjara= 2,8 metrar. Fært, ófært ?

Vinur minn fór nýlega upp í sveit við Bakkafjöru. Lenti hann þar á spjalli við nokkra bændur barst talið að mögulegri Bakkafjöruhöfn, Bændunum þótti merkilegast að framkvæmdir ættu að hefjast á þessu ári því að enginn er farinn að tala við þá um hvort þeir vilji selja landið við Bakkafjöru eða hvort það væri yfirleitt til sölu. Þessir bændur sem margir geta rakið ætt sína 100 ár aftur í tímann( og lengra) sögðu margar tilraunir hafa verið gerðar til að græða upp fjöruna en allar mistekist. Fyrir þó nokkru síðan skrifaði ég þá skoðun mína að Bakkafjöruhöfn væri bara plat til að tefja fyrir raunverulegum  samgöngubótum milli lands og eyja, það skildi þó aldrei fara svo að við þyrftum að bíða fram að næstu kosningum eftir að fá raunverulegar samgöngubætur en það kemur allt í ljós. Meira seinna.

Þessi slapp allt of vel

Ótrúlegt að hann fái að koma nálægt henni miðað við fyrri reynslu

Dæmdur í 3 ára fangelsi fyrir kynferðisbrot gegn dóttur sinni

Þetta er sennilega sambærilegt og ef Þórunn Sveins væri seld frá eyjum

Með öllum aflaheimildum. Sennilega mundu 100 mans missa vinnuna vegna þess fyrir utan  þá sem þjónusta þetta fólk.

Smábátur með kvóta seldur frá Flateyri til Dalvíkur

Fólk sér því miður enga aðra lausn

Fólk vill frekar álver heldur en sitja uppi með verðlausar eignir.

Aukinn stuðningur við álver á Bakka á Norðausturlandi

Það kom fram í fréttunum í kvöld að eigendur Kambs

Geti með sölu á kvótanum borgað upp allar skuldir og haft afgang upp á 1 miljarð, er nema furða að menn sem hafa staðið í erfiðum rekstri freistist ekki hjálpar ríkið. Skilaboð núverandi kvótakerfis eru skýr annað hvort ertu að græða á þessu eða þú átt að selja og gera einkvað annað. Stærsti gallinn er sá að þarna er ekki reiknað með þeim áhrifum sem kerfið hefur á íbúana og bæjarfélöginn sem hafa eins og dæmin sína oft ekki nein önnur atvinnu tækifæri. Afleiðingarnar eru svo þær að fólk neyðist til að flytja og skilja eftir eignir sem það jafnvel er enn að borga af en eru orðnar verðlausar.

Hluti af kvóta Kambs þegar seldur

Grásleppuveiðar

18. maí 2007 :

Dökkt útlit með grásleppuvertíð á Nýfundnalandi

Eins og greint var frá hér á síðunni fyrir réttum mánuði, fengu samtök fiskimanna á Nýfundnalandi (FFAW) ákvörðun um verð fyrir grásleppuhrogn á yfirstandandi ári frestað. Ástæðan var fyrst og fremst sú hversu lág verð kaupendur buðu fyrir komandi vertíð þar um slóðir.

Verð var svo loks ákveðið fyrir fáeinum dögum og varð niðurstaðan sú að lágmarksverðið er u.þ.b. 152 krónur fyrir kg af blauthrognum sem er 34% hækkun frá lágmarksverðinu 2006. Verðsamingar eru og með þeim hætti að verðið til sjómanna hækkar samhliða hækkandi útflutningsverði.

En eins og sakir standa er alls óvíst hvort sjómenn á Nýfundnalandi þurfi mikið að velta fyrir sér hrognaverðinu. Fyrstu grásleppuveiðisvæðin voru opnuð hinn 14. maí s.l. og eins og segir í fréttatilkynningu frá FFAW fyrr í dag var árangurinn "hræðilegur".

Fyrstu fjögur svæðin sem opnuð eru ár hvert liggja út af Suður og Suð-vesturströndinni. Þau hafa jafnan reynst gjöfulust. Þá hafa fyrstu dagarnir undantekningalítið gefið mjög góða veiði. Sú varð ekki raunin þetta árið. Einn grásleppuveiðimaður sem fékk á fyrsta degi vertíðarinnar á síðasta ári um 730 kg af hrognum í 50 net, fékk nú aðeins um 20 kg í sama netafjölda. Þetta lýsir ástandinu á öllu svæðinu, þ.e. menn eru að fá eina til tvær grásleppur í net og þaðan af minna.

Í ljósi þess að ákveðið hefur verið að vertíðin standi aðeins í 15 daga á árinu 2007, hefur náðst samkomulag milli FFAW og yfirvalda um að fresta grásleppuvertíðinni enn frekar. Langflestir veiðimanna hafa nú þegar tekið netin í land og svæðunum verið lokað um óákveðinn tíma.

Þetta hrun í veiðinni er fyrst og fremst rakið til mjög lágs sjávarhita, en hann er nú 5 gráðum lægri en venjulega og mikið krap á svæðinu. Þá liggur hafís upp að allri Norð-austur strönd Nýfundnalands og hefur það ástand lítið breyst allar götur síðan í mars. Þessir miklu kuldar hafa og áhrif á annan veiðiskap við suðurströndina t.d. humarveiðar sem dregist hafa saman um helming. Þá hefur þetta haft mikil áhrif á fiskeldið á svæðinu.

Í fréttatilkynningunni frá FFAW má ráða að þrátt fyrir að menn hafi ekki gefið upp alla von um grásleppuvertíð árið 2007, er alls óvíst hvort opnað verði á ný fyrir veiðarnar á yfirstanandi vertíð.

Þitt svar. Vin

Afmælisveisla

Matthildur Eiríksdóttir sem var númer 15 á lista Frjálslyndaflokksins í suðurkjördæmi heldur upp á fertugs afmælið sitt í Blíðukró í kvöld. Allir stuðningsmenn Frjálslyndaflokksins í Vestmannaeyjum velkomnir.

Til hamingju með afmælið, Matta.

Stuðnings menn Bakkafjöruhafnar ættu kanski að hugsa sinn gang betur

Fréttir » Innlent Letur

Mjög getur verið brimasamt í Vík.

Vísir, 19. maí. 2007 16:24

Brim hreif konu með sér í Vík í Mýrdal

Mikið brim er nú við ströndina í  Vík í Mýrdal. Erlend ferðakona sem var þar á gangi síðdegis gætti ekki að sér og hreif brimalda hana með sér út á haf. Þyrlur Landhelgisgæslunnar hafa verið kallaðar út, sem og björgunarsveitir sem nú eru í fjörunni.

Málið er einfalt það er ekkert eftir þegar leigan er orðinn 200 kr kg.

Skuldir í sjávarútvegi hafa aldrei verið meiri. Þetta getur bara versnað.

„Minn tími í sjávarútvegi er liðinn"

Viku fyrir kostningar skrifaði ég, viku eftir síðustu kostningar kom neiðar kall frá Raufarhöfn vegna áhrifa kvótakerfisins hvaðan kemur neiðar kall núna .Svar komið.

Vísir, 18. maí. 2007 16:09

Kambur hættir útgerð og fiskvinnslu á Flateyri

Eigendur Fiskvinnslunnar Kambs á Flateyri tilkynntu starfsmönnum sínum í dag þá ákvörðun að hætta útgerð og fiskvinnslu og selja allar eignir félagsins á staðnum. Þetta þýðir að um 120 manns missa vinnuna, þar af 65 manns í landvinnslu. Fram kemur í tilkynningu frá eigendum útgerðarinnar að þeir séu í viðræðum við aðila á norðanverðum Vestfjörðum um sölu á tveimur af fimm bátum þeirra. Það sé eindreginn vilji forsvarsmanna Kambs að aðstoða starfsfólk við að fá vinnu á svæðinu eða annars staðar í landinu.

Helstu ástæður þess að starfseminni var hætt eru slök samkeppnisstaða á Vestfjörðum, sérstaklega í landsvinnslu, og hafa skuldir félagsins aukist mikið á síðustu árum. Þá er bent á í tilkynningunni að sterk króna ásamt háum vöxtum hafi leikið útflutningsfyrirtæki grátt.

Enn fremur segir í tilkynningunni að Kambur hafi verið háður leigukvóta í rekstri sínum og þrátt fyrir umtalsverð kaup á varanlegum aflaheimildum hafi fyrirtækið á undanförnum árum leigt þúsundir tonna til þess að tryggja hráefni til vinnslu. Leigukvóti hafi hækkað mjög í verði að undanförnu og sömuleiðis verð á varanlegum aflaheimildum. Fyrirtækið sé því mjög skuldsett.

Enn fremur er bent á að flutningskostnaður til Vestfjarða skekki samkeppnisstöðu vestfirskra fyrirtækja. Þá sé erfitt að fá Íslendinga til starfa bæði til sjós og lands.

„Það að vera stærsti vinnuveitandi í litlu þorpi er mikið ábyrgðarhlutverk. Það víkur sér enginn undan þeirri ábyrgð meðan stætt er . Sé viðunandi rekstrargrundvöllur ekki til staðar er engum greiði gerður með áframhaldandi rekstri," segir að endingu í tilkynningunni.