Vorið er komið ( og Lundinn á leiðinni)

Sól og blíða í eyjum 8 stiga hiti á Stórhöfða, tún farin að grænnka og gargið í fuglunum hækkar, eftir því sem þeim fjölgar í fjöllunum. Ungt og efnilegt fólk gengur til kirkju, játar trú sína, og tekur við helling af peningum. Sjálfur er ég farinn að gjóa augunum æ oftar upp til fjalla í von um að sjá minn uppáhalds farfugl bregða fyrir, LUNDANN. Lundinn kemur yfirleitt á tímabilinu 10 til 17 Apríl. Sumardagurinn fyrsti er hjá mér daginn sem lundinn sest upp í fyrsta skipti ár hvert. Vonandi fáum við gott sumar . Góðar stundir.

Athugasemdir

[Ester Sveinbjarnardóttir, 1.4.2007 kl. 20:11]

Þar sem lundinn er fegurstur fugla...  vorið var komið undir fjöllin þegar lóan kom.  En hér í höfðuborginni þegar fólkið hópast í göngutúra á kvöldin og vorlaukarnir þjóta upp.

[Guðrún María Óskarsdóttir., 3.4.2007 kl. 00:58]

Ójá það er yndislegt þegar vorar.

kv.gmaria.

[Sigfús Sigurþórsson., 3.4.2007 kl. 18:54]

ungt og efnilegt fólk gengur til kirkju, játar trú sína, og tekur við helling af peningum..... Áttu þá við fermingarbörnin?

[Georg Eiður Arnarson, 3.4.2007 kl. 20:48]

Svo segja unglingarnir.