Við skulum rétt vona að þetta sjónarmið verði ekki ofaná( verst að svona er þetta að stórum hluta orðið í dag)

Sjávarútvegur viðheldur ekki byggð

Sjávarútvegur getur ekki tryggt núverandi byggðamynstur, sem myndaðist við allt aðrar aðstæður en nú eru uppi, á tímum þegar strandsiglingar voru mikilvægari samgönguleið en vegakerfi landsmanna.
Þetta kom fram í máli Ásgeirs Jónssonar, forstöðumanns greiningardeildar Kaupþings banka, á málþingi um sjávarútvegsmál og byggðaþróun sem Rannsóknarmiðstöð um samfélags- og efnahagsmál stóð fyrir í Háskóla Íslands í gær.

Ásgeir varaði við því að sjávarútvegur fari í sama far og landbúnaður fór í um miðja síðustu öld með niðurgreiðslum og höftum, þjóðin hafi ekki efni á því. Allar tilraunir til þess að þröngva sjávarútvegi í þann farveg að viðhalda núverandi byggðamynstri muni hola þessa atvinnugrein innan.
„Af hverju er það slæmt að fimm stór fyrirtæki eigi 80 prósent af aflaheimildunum? Ef þau geta borgað sæmileg laun, borgað sína skatta, geta skilað sínu og búið til verðmæti er ekkert að því," sagði Ásgeir. Hann sagði enga skynsamlega ástæðu fyrir banni við fjárfestingar erlendra aðila í sjávarútvegi. Engin ástæða sé til að óttast að sjávarútvegsfyrirtæki verði stór, kraftmikil og alþjóðleg.

Fólksfækkun á landsbyggðinni á undanförnum árum hefur ekki einskorðast við sjávarbyggðir, sagði Sveinn Agnarsson, hagfræðingur hjá Hagfræðistofnun Háskóla Íslands, í erindi á málþinginu í gær.

Hann sagði rannsóknir sínar ekki hafa leitt í ljós neitt tölfræðilegt samband milli fólksfækkunar í sjávarbyggðum og sölu aflaheimilda úr bæjarfélögunum. Miklu meira máli skipti hvar aflinn sé unninn, enda virðist samdráttur í landvinnslu á sjávarfangi skila sér í fólksfækkun. Þess vegna sagði Sveinn það áhyggjuefni að á síðasta ári hafi ríflega helmingur af botnfiskafla sem landað var hér á landi ekki verið unninn í landi, heldur ýmist unninn um borð í togurum eða seldur óunninn úr landi. Það hafi aukist verulega á undanförnum árum og árið 1992 hafi tveir þriðju hlutar aflans verið unninn í fiskvinnslum í landi

Gleðilegt nýtt ár allir

 það er að segja fiskveiðiár. Árið byrjar ekki vel eða með 30%niðurskurði í Þorski þrátt fyrir að sjómenn geti ekki sett veiðarfæri í sjó án þess að stranda í Þorski. Bæjarstjórn Vestmannaeyja setti fram kröfu sína um mótvægis aðgerðir til að mæta niðurskurði í Þorski í síðustu viku. Það sem vekur mesta undrun mína er að ekki er minnst einu orði á það sem skaðað hefur okkur mest síðustu árinn, það er að segja kvótasetning á Keilu, Löngu og Skötusel. Ég fullyrði það að ef þessi hörmungar ákvörðun hefði ekki orðið( Árni Matthiesen) þá væri íbúar Vestmannaeyja 200 fleiri. Meira seinna.

Kvótinn

Landssamband smábátaeigenda

Beina leið á efnisyfirlit þessarar síðu

30. ágúst 2007 :

Kvótahæstu krókaaflamarksbátarnir

Grindavíkurbátarnir Þórkatla, Óli á Stað og Gísli Súrsson eru kvótahæstir í þorski, ýsu og steinbít. Sirrý frá Bolungarvík er hins vegar með mestu úthlutun þorskígilda.
Hér fylgir samantekt um 5 kvótahæstu krókaaflamarksbátana á næsta fiskveiðiári.

Download file

Unnið upp úr tölum frá Fiskistofu

Lundaveiðatímabilið í sumar.

15 ágúst síðastliðinn lauk lundaveiðitímanum í sumar. Tímabilið í sumar er merkilegt fyrir margar sakir. Merkilegast er kannski sú ákvörðun nokkurra veiðifélaga í bjargveiðifélagi Vestmannaeyja að ákveða áður en lundaveiðitíminn hófst að veiða eingöngu í soðið. Fyrir mitt leiti, þá gat ég á þeim tímapunkti tekið undir þetta en sjálfur setti ég þó þann varnagla við að miðað við að mjög lítið sást af ungfugli bæði í fyrra og hitti fyrra, þá gæti miðað við 30 ára reynslu mína, komið mikið af ungfugli í sumar (sem síðar kom í ljós, elstu veiðimenn í Vestmannaeyjum muna ekki annað eins magn af lunda). Ég hef rætt við marga veiðimenn, bæði af heimalandinu og úteyjum, og sýnist mér að heildarveiðin í sumar sé ca 30,ooo lundar. En miðað við það magn sem var á ferðinni hér í sumar, þá er ljóst að ef veiðimenn hefði beitt sér við veiðarnar á fullu, þá hefðu veiðarnar sennilega orðið 100-130 þúsund lundar. Lærdómurinn af þessu sumri er sá að miðað við þær upplýsingar sem ég hef, þá tel ég að sennilega hefði verið skynsamlegast af hefja ekki veiðar fyrr en 10 júlí (ystaklettsmenn voru þeir einu sem byrjuðu 1 júlí). Miðað við að svo virðist vera sem varpið hafi verið töluvert seinna í ár. Lítið sést ennþá af bæjarpysju en mín skoðun á því er sú að varpfugl hafi látið töluvert undan síga vegna stækkunar hafnarinnar í Vestmannaeyjum, svo ég tel það nokkuð eðlilegt. Hins vegar í öðrum fjöllum, þar sem mennirnir hafa ekki þrengt að fuglinum, þar sýnist mér útlitið vera nokkuð gott, enda mikið af sílisfugl. Útlitið fyrir næsta sumar tel ég vera alveg óráðið ef við fáum upp sambærilegt ástand og á síðasta ári, þá tel ég ekki óhætt að veiða, nema í mesta lagi í soðið. Verði hins vegar útlitið eins og þetta sumar, þá tel ég óhætt að veiða, en teldi skynsamlegast að byrja kannski aðeins seinna á veiðunum. Og að lokum þetta. Það er allt í lagi að einhverjir örfáir aðilar í bjargveiðifélagi Vestmannaeyja, ákveði að þeir ætli bara að veiða í soðið, en ef það á að gilda fyrir alla veiðimenn (líka fyrir okkur á heimalandinu), þá er það algjört lagmark að við okkur sé rætt. Fyrir nokkru síðan fór ég og heimsótti félaga mína á setrinu. Færði þeim meðal annars sílis sýni sem ég hafði fundið og ræddi þá við þá um hvernig þeim þætti staðan vera. Þeir voru almennt á því að gríðarmikið magn af lunda væri á ferðinni í Vestmannaeyjum en það sem mér þótti undarlegast var sú skoðun þeirra að mögulega væru þetta hugsanlega að einhverju leyti, flækingslundi frá öðrum stöðum. Tel ég það vera algjöra vitleysu. Það er ljóst að það þarf að rannsaka og fylgjast betur með og greinilegt að engin niðurstaða getur orðið á fyrsta ári rannsókna. Svo vonandi verður það áfram í höndum okkar eyjamanna að stjórna lundaveiðum í Vestmannaeyjum. Meira seinna.

Kvótinn

Landssamband smábátaeigenda

Beina leið á efnisyfirlit þessarar síðu

24. ágúst 2007 :

Þorskur við Grænland – margt bendir til að hér sé á ferðinni Íslandsþorskur

Miklar bollaleggingar fara nú fram um það hvort þorskur sem nú virðist vera í miklu magni á Grænlandsmiðum sé Íslandsþorskur. Smábátaeigendur á Vesturlandi og Vestfjörðum hafa verið duglegir að tjá sig um málið.

24. apríl sl. var hér á síðunni vitnað til viðtals úr Fiskifréttum við Tálknfirska smábátaeigendur Tryggva Ársælsson og Þór Magnússon. Í viðtalinu sögðu þeir frá því að í kjölfar hafíssins hefði allt fyllst af þorski sem þeir töldu hafa komið frá Grænlandi. Þeir bentu á máli sínu til stuðnings að „fiskurinn væri allt öðruvísi en sá þorskur sem við eigum að venjast. Hann var dekkri, haussmærri og liframeiri og að öllum líkindum kominn hingað frá Grænlandi.“

Undir skoðanir Tryggva og Þórs tók Pétur Pétursson á Arnarstapa. Hann sagði að í vetur hefði mikið borið á fiski í netum sem var ólíkur hefðbundnum vertíðarþorski. Pétur sagðist álíta að um afrakstur seiðareks væri að ræða og benti á að árið 1999 hefði seiðavísitala hér mælst í hámarki.

Pétur tók undir með Kristjáni Andra á Ísafirði að brýnt væri að senda skip á Grænlandsmið og fá úr þessu skorið. Í húfi væri afkoma þúsunda Íslendinga sem boðuð hefði verið þriðjungs skerðing á þorskkvótanum. „Ég er sannfærður um að í vetur kemur önnur demba frá Grænlandi ; miðin okkar og við getum ekki setið aðgerðarlausir. Hér er á ferðinni þorskur sem ekki er inni í mælingum Hafrannsóknastofnunar“, sagði Pétur.

 

Kvótinn

Landssamband smábátaeigenda

Beina leið á efnisyfirlit þessarar síðu

27. ágúst 2007 :

Smábátafélag Reykjavíkur mótmælir fyrirhugaðri þorskskerðingu

Á fundi stjórnar Smábátafélags Reykjavíkur þann 23. ágúst 2007 var eftirfarandi ályktun samþykkt.

„Stjórn Smábátafélags Reykjavíkur, mótmælir fyrirhugaðri 30% skerðingu á þorskveiði, vegna þess að smábátasjómenn hafa ekki orðið varir við að veiði hafi daprast, heldur aukist.

Fyrir smábátaútgerðir er skerðingin ígildi eignarupptöku, ekkert kemur í staðinn, þeir hafa ekki tækifæri að sækja í aðrar veiðar eins og stórútgerðin

Ítrekaðar lokanir á veiðisvæðum smábáta bæta ekki ástandið.“

Kvótinn

Landssamband smábátaeigenda

Beina leið á efnisyfirlit þessarar síðu

28. ágúst 2007 :

Úthlutað krókaaflamark dregst saman um 22%

Fiskistofa hefur sent útgerðum íslenskra fiskiskipa tilkynningu um aflaheimildir á fiskveiðiárinu sem hefst þann 1. september nk.

Í krókaaflamarki eru 422 bátar og eru það 88 bátum færra en á yfirstandandi fiskveiðiári. Krókaaflamark sem þeim er úthlutað á grunni krókaaflahlutdeilda er 33.374 þorskígildistonn. Það er tæplega 22% samdráttur frá upphafsúthlutun til krókabáta á fyrra fiskveiðiári.

Alls er úthlutað aflamark/krókaaflamark á grunni hlutdeilda 301.307 þorskígildistonn, sem er 18,7% samdráttur í þorskígildum frá upphafsúthlutun fyrra fiskveiðiárs.

Þitt svar. Vinsamlega skrifið undir

Vonandi endist þessi talva betur

Bara að prufa.

Tölvuvesen

Tölvan mín er enn að stríða mér og er aftur á leið í viðgerð. Mun því seinna gera upp Lundaveiðitímabilið og önnur mál, td, Bakkafjöru. Bendi á mjög undarlega(í bæjarblöðunum) grein eftir bæjarstjórann okkar þar sem hann ræðst á Vin minn Grétar Mar á næstum því rætinn hátt, ekki bæjarstjóranum til sóma en greinilegt að einkvað meira er á bak við þessa Bakkafjöru vitleysu heldur en bara styttri sigling. Meira seinna.

Vinur

> Vinaskilaboð
>
> Sagan segir að tveir vinir hafi gengið í eyðimörk.  Á leiðinni fóru þeir
> að rífast, og annar vinurinn gaf hinum létt á kjammann.  Honum sárnaði, en
> án þess að segja nokkuð skrifaði hann í sandinn; " Í DAG GAF BESTI VINUR
> MINN MÉR, EINN Á ´ANN!"  Þeir gengu áfram þangað til þeir komu að
> vatnslind og þar fóru þeir út í.  Vinurinn sem hafði orðið fyrir hinum
> áður var nærri drukknaður, en var bjargað af vini sínum. Þegar hann hafði
> jafnað sig, risti hann í stein; "Í DAG BJARGAÐI BESTI VINUR MINN MÉR FRÁ
> DRUKKNUN".  Vinurinn sem bæði hafði veitt honum tiltal og bjargað honum
> spurði: "Þegar ég sló þig, skrifaðir þú í sandinn, og núna skrifar þú í
> steininn. "Af hverju?" Hann svaraði: "Þegar einhver gerir þér eitthvað
> illt áttu að skrifa það í sandinn, þar sem vindur fyrirgefningar getur
> eytt því. En þegar einhver gerir þér eitthvað gott þá áttu að grafa það í
> stein þar sem enginn getur eytt því". "LÆRÐU AÐ SKRIFA SÁRINDI ÞÍN Í
> SANDINN OG GRAFA HAMINGJU ÞÍNA Í STEIN"! Það er sagt að það taki mann eina
> mínútu að hitta sérstaka manneskju, einn tíma að kunna að meta hana, einn
> dag að elska hana, en HEILA ævi að gleyma henni.
>
> Sendu þessa sögu til manneskja sem þú gleymir aldrei, og mundu að senda
> hana tilbaka. Ef þú yfir höfuð sendir hana ekki til neins, þá þýðir það
> bara eitt, að þú:
> hafir of mikið að gera og hafir gleymt vinum þínum.
>
>
>
> "GEFÐU ÞÉR TÍMA TIL AÐ LIFA - OG EIGÐU GÓÐAN DAG"
>
>
>
> Kær kveðja,
>